కొత్త ఏడాది సరికొత్త చిత్రాలు ఇవే...
దిశ, వెబ్డెస్క్ : కొత్త ఏడాదికి పలు కొత్తచిత్రాలు స్వాగతం పలకనున్నాయి. అందులో పెద్ద హీరోల చిత్రాలే ఎక్కువగా ఉన్నాయి. ఈ ఏడాది కూడా పలు చిన్న, పెద్ద చిత్రాలు కలుపుకొని పెద్ద సంఖ్యలోనే హిట్ అయ్యాయి. ప్రస్తుతం పాన్ ఇండియా సినిమాల హవా నడుస్తున్న నేపథ్యంలో వచ్చే ఏడాది కూడా ఇవే తరహా చిత్రాలు రానున్నాయి. పుష్ప 2, కల్కి 2898AD వంటి భారీ బడ్జెట్ సినిమాలు కొత్త ఏడాది విడుదల కానున్నాయి. పుష్ప 2 కోసం అల్లు అర్జున్ ఫ్యాన్స్ తో పాటు సినిమా అభిమానులు ఎదురు చూస్తున్నారు. ఈ చిత్రం వచ్చే ఏడాది ఆగస్ట్ 15న విడుదల కానుంది. అలాగే గుంటూరు కారం కూడా వచ్చే ఏడాది జనవరి 12న విడుదల కానుంది. ఇందులో మహేష్ బాబు,
శ్రీలీల హీరోహీరోయిన్లుగా నటిస్తున్నారు. ఈ చిత్రం యాక్షన్ థ్రిల్లర్‌గా రాబోతుంది. మరో భారీ చిత్రం దేవర కూడా వచ్చే ఏడాది విడుదల కానుంది. డైరెక్టర్ కొరటాల శివ దర్శకత్వంలో జూనియర్ ఎన్టీఆర్ ప్రధాన పాత్రలో నటిస్తోన్న సినిమా దేవర. ఇందులో జాన్వీ కపూర్ కథానాయికగా నటిస్తుంది. ఈ చిత్రాన్ని కూడా రెండుభాగాలుగా విడుదల చేయనున్నారు. ఈ సినిమా వచ్చే ఏడాది ఏప్రిల్ 5న రిలీజ్ కానుంది. మరో భారీ బడ్జెట్ చిత్రం భారతీయుడు 2 కూడా వచ్చే ఏడాది విడుదల కానుంది. డైరెక్టర్ శంకర్ దర్శకత్వంలో కమల్ హాసన్ ఇందులో నటిస్తున్నారు. అలాగే డైరెక్టర్ శంకర్, రామ్ చరణ్ కాంబోలో గేమ్ ఛేంజర్ చిత్రం కూడా వచ్చే ఏడాది విడుదల కానుంది. యంగ్ రెబల్ స్టార్ ప్రభాస్, డైరెక్టర్ నాగ్ అశ్విన్ కాంబోలో వస్తున్న సినిమా కల్కి 2898AD కూడా అన్ని సక్రమంగా పూర్తయితే వచ్చే సంవత్సరం జనవరి 12న విడుదల చేయాలని ప్రయత్నిస్తున్నారు.
